18-25 насныхан хашир суугаагүй тул барагтай бол дүрэм журам дагахгүй, болж өгвөл сиймхийгээр орж гарчих гээд байдаг аж. Мөн энэ насны бүсгүйчүүд залуусыг харж нүд унагаж байгаад осол гаргах нь цөөнгүй гэнэ.35-40 насныхан харьцангуй намба сууж эхэлнэ.
40-45 насныхан хамгийн их осол гаргадаг. Ногоон гэрэл асчихвал огцом зогсоно. Ингэснээр ард нь яваа машинууд мөн л огцом үйлдэл хийхэд хүрнэ. Тэд мөн зөвшөөрөөгүй гэрлээр уулзвар уруу эргэх энүүхэнд. Хажуугаар нь салхи шиг сүнгэнээд өнгөрөх машинуудын дунд барьц алдаж, уулзварын голд тоормос гишгээд хөдөлгөөн бөглөх тохиолдол цөөнгүй гаргадаг аж.
45-50 насныхан хашир нь дэндчихсэн байдаг гэнэ. Сандрах зүйл байхгүй, бусдыг харж нүдээ унагаж, анхаарлаа сарниулахгүй. Хөдөлгөөн бүрээ урьдчилан төлөвлөдөг. Төлөвлөгөө нь дандаа нөөцтэй. Тухайлбал, гэрлэн дохио зогсохыг хориглоогүй байсан ч хурдаа хасчихдаг аж.
