Америкийн нисэх онгоц үйлдвэрлэдэг БОИНГ корпораци Канзас муж улс дахь цэргийн зориулалттай сэлбэг хэрэгслийн үйлдвэрээ хаахаар болсон тухай Ройтер агентлаг мэдээллээ. Ойрын ирээдүйд Пентагоны цэргийн захиалга төсөв хэмнэх хөтөлбөрийн буурах учир Боинг компани зардлаа бодитойгоор багасгахаар төлөвлөжээ.Уичит хот дахь үйлдвэр нь Америкийн Агаарын цэргийн хүчний хүнд нисэх онгоцууд, тухайлбал, зорчигч тээврийн Боинг-767 онгоцны үйлдвэрлэлийн баазад түшиглэн зохион бүтээсэн КС-46 цэнэглэгч нисэх онгоц болон В-52 бөмбөгдөгч нисэх онгоцны сэлбэг хэрэгслийг үйлдвэрлэдэг аж.
Боингийн цэргийн үйлдвэрүүд АНУ-ын янз бүрийн бүс нутагт 64 мянга гаруй хүнийг ажлын байраар хангадаг байна. Цэргийн хөтөлбөрийг хумих нь ажилгүйдлийн түвшинд бүхэлдээ сөргөөр нөлөөлөх юм. 2007-2010 оны хямралын үеэр Америкт 7,5 сая ажлын байрыг цомхтгожээ. Хэдийгээр эдийн засаг сэргэж эхэлсэн ч өнгөрсөн жилд ажлын байрны тоо ердөө 1,2 саяар нэмэгдсэн байна.
Эх сурвалж: Mass.mn
Фото:
